Festivali i Librit Shqip në Toronto shënon një moment të rëndësishëm për komunitetin shqiptar, duke qenë kulminimi i shumë viteve aktivitetesh që kanë patur në fokus librin, letërsinë dhe autorët shqiptarë. Përgjatë viteve, në Toronto, janë organizuar evente të ndryshme nga komuniteti shqiptar, për të promovuar letërsinë shqipe, dhe ky festival shënon realizimin e përpjekjeve të përbashkëta për ta mbajtur të gjallë traditën dhe kulturën e komunitetit shqitpar në Kanada.
Idea e prezantimit së letrave shqip në Kanada nuk është e ri; në fakt, ai ka gjasa të jetë diskutuar që nga ditët e para të pranisë së komunitetit shqiptar këtu. Kështi, pas konsultimeve të shumta me anëtarë të ndryshëm të komunitetit, organizata jofitimprurëse, shpërndarës librash dhe shtëpi botuese, vendosëm të ndërmarrim hapat e nevojshëm për të sjellë në jetë këtë ide të kahershme.
Me një lidhje të thellë me trashëgiminë e tyre dhe një interes të shtuar për ruajtjen dhe promovimin e kulturës shqiptare, pritet që komuniteti ta presë me iteres këtë event.
Edhe pse ACDA është organizata kryesore në këtë nismë, vizioni ynë është mirëpritur nga organizatat e tjera shqiptaro-kanadeze. Fryma bashkëpunuese e komunitetit shqiptar ka qenë thelbësore në kthimin e kësaj ëndrre në realitet, duke siguruar që letërsia shqiptare të prezantohet në të gjithë pasurinë dhe diversitetin e saj, si për shqiptarët në Kanada ashtu edhe për publikun e gjerë kanadez. Ky festival ofron një mundësi unike për të eksploruar veprat e autorëve shqiptarë dhe shqiptaro-kanadezë, dhe përfaqëson një moment të rëndësishëm kulturor për komunitetin.
Duam të falënderojmë të gjithë ata që e kanë mbështetur këtë ide deri tani, dhe me të kërkojmë ndihmën tuaj për ta bërë këtë një ndërmarrje vërtet të suksesshme. Mbështetja dhe pjesëmarrja juaj e vazhdueshme janë thelbësore për të siguruar që ky festival të arrijë potencialin e tij të plotë dhe të bëhet një ngjarje kulturore e përshëndetur nga të gjithë.
Për hollësira vizitoni : https://www.albanianbookfest.com/
Shpresojmë t'ju shohim në Festival!
Comments